حركة أمل وحزب الله يفرضون حظر تجوال على السوريين في الجنوب اللبناني

من طرف **نيرفان** الخميس أغسطس 22, 2013 11:06 am

حركة أمل وحزب الله يفرضون حظر تجوال على السوريين في الجنوب اللبناني

حركة أمل وحزب الله يفرضون حظر تجوال على السوريين في الجنوب اللبناني
بعد أن اشتدت وتيرة الأحداث في سورية وظن السوريين أن الدولة اللبنانية هي الدولة الأكثر شبهاً بالجمهورية العربية السورية والشعب اللبناني يشارك الشعب السوري بأغلب العادات والتقاليد وغير هذا فان هنالك قرابة تربط الكثير الكثير من العائلات السورية بالعائلات اللبنانية
وعادة على الذاكرة السورية حرب تموز 2006 حين أحتضن الشعب السوري الشعب اللبناني و بالأخص شعب الجنوب الذي فتحت له ليس أبوب المنازل بل حتى القلوب وناصروهم بالقول و العمل وعزروهم ولم يسكنوهم في مخيمات لم تستأجر الحكومة المنازل ولا حتى فكرت في أقامة مخيمات للبنانيين الفارين من البطش اليهودي لأن الشعب تكفل بكل شيء كان على الدولة السورية فتحت الحدود وبالفعل تم ذالك حتى أنه دخل الكثير من اللبنانيين بدون بطاقات تعريف شخصية
كل هذه المعطيات دفعت بالشعب السوري الذي يفر من الموت أو يبحث عن لقمة عيش بعد أن انعدمت في سورية إلى لبنان    ولكن ......!
لم يستطيع الشعب اللبناني الأخ والصديق والشقيق ويلي ما بعرف شو كمان من تحمل أدنى تكاليف الوجود السوري في لبنان وبدئ النواب والوزراء في الحكومة بالتسول بين الدول العربية والغربية بحجة إغاثة الشعب السوري وحارت الحكومة والشعب والدولة بشرذمة من الشعب السوري (وين بدهون يبنون المخيمات وكم تكلف و........الخ )
وبما أن الشعب اللبناني شعب ليس له رئي و أرائه دائماً تكون متوافقة تماماً مع قائده السياسي فكان هناك انقسام بين الشعب اللبناني
كان منهم المواليين للنظام على حد التعبيرات الإعلامية ومنهم المعارضين وطبعن بلبنان حرية يعني لما بدك تكون مع جهة معينة مافي حدى بيقدر بيقلك شو عم تساوي ومنشان هيك كل طرف لبناني بلش بيدعم بالمال و السلاح والرجال الطرف الذي يراه زعيمه السياسي أنه صحيح وعلى خلفية هذه التطورات كان على الشعب السوري مرة أخرى تحمل أعباء القتل في الجنوب بدك تكون مع النظام السوري شئت أم أبيت وأذا ما كنت مع النظام السوري أنت أرهابي وما هي إلا أيام ويصير تفجير أرهابي وتكون أنت منفذو وما عندك خبر وتروح فيها
وغير هيك ذهب حزب الله يقاتل في سوري مع الجيش السوري والشبيحة بس مو هون المشكلة كل ما بيموت واحد من حزب الله أو حركة أمل وبيجيبو على لبنان بيوقفو صياع من منطقة الشهيد على الطرقات ويا ويلك أذا كنت سوري ولقطوق شي ظرب وشي دفس وشي بدون يجربو فيك أحدى مشاهد العنف يلي شافوها بي هوليود وما عدى أستخراج مافي المحفظة من نقود وشتائم للطائفة السنية لم نسمع مثلها أبدا بصراحة الجماعة خبراء بالشتايم هي بمنطقة الجنوب
أما في الشمال فحدث ولا حرج بدك تكون معارض للنظام السوري غصب عنك بالصرماية بس يبقى الوضع أهون ما بيمنعوك من التجول ومعاملتك مع الجيش اللبناني رح بيقلي القارئ اللبناني انت بتقول صياع طيب أنا بقلك وين المو صياع لحتى يردو الصياع وغير هيك الحركة والحزب أصدرو بيانا مشترك بمنع السوريين من التجوال ليلاً حتى السادسة مساء وغير هيك بيجو كل كم يوم على أماكن سكن العمل من يلي جاي جديد من وين أنت موئيد ولا معارض شو عم يصير بالمنطقة يلي كنت فيها مين يلي غالب على المنطقة . أليس هذه الأسئلة أذا كان يحق لاحد أن يسئل يكون هو الجيش اللبناني وقوى الأمن الداخلي هل وصل الانحطاط الفكري والعقائدي عند الشعب اللبناني لهذه الدرجة
وأذا كان المبرر لهذه الاعمال هناك تفجيرات أرهابية تحصل في لبنان وغالباً رح يقولو سببها السوريين
أقول : واين احمد الاسير تبعكون وزبانيتو   رح تقولو يا اخي في معو سوريين طيب وانتو شو عم تساوو بسورية عم تجاهدو في سبل الله ؟
ومع هيك في أرهابيين الجيش وقوى الأمن الداخلي هي وحدها من تسأل وتحافظ على أمن البلد المشكلة لم نعد نعرف الصايع وعامل حالو من الحزب والحركة ولا هن فعلان حزب وحركة (هات هويتك وين بتشتغل وشو معك مصاري و انت مع من ) وهو عم يعملك تحقيق بيجي تلفون من شي وحدة بيقلك يلا أنقلع ويكمل التلفون (أي حياتي شو لابسة اليوم ...........!)
لا حول ولا قوة إلا بالله
يعمي الشعب السوري يلي جاي على لبنان 99% منه ليس له علاقة ولا بجهة في القتال الذي يحصل في سورية
وغير هيك الحكومة اللبنانية ما عاد بتعرف كم قرار بده بطلع بليوم بيكفو 30 قرار يخص السوريين الحقيقة لو أهتمت الحكومة اللبناني بالشعب اللبناني واعطت وقت للتفكير بمصالح الشعب اللبناني كما تفكر باللاجئين السوريين لكنت قلت لك عن ثقة لم يبقى ولا مشكلة في لبنان لم يتم حلها وشغلة تانية لا تفكرو انو الحكومة اللبنانية عم تفكر كيف بدها تساعد السوريين أو تأمن معيشتهم         لا عم تفكر كيف بدها تقلعهون عن أرضها وطبعن هي ما بدها تقلعهون لان هي ورقة بيد الحكومة شو ما عم يصير اللاجئين السوريين على الواجهة وقرارات وحكايت عم تصير وللحكاية تتمة

مدونة القلم السوري
مدونة سياسية اخبارية أجتماعية منوعة